Një i infektuar me virusin COVID-19, ka dalë rrugëve të Prishtinës pasditen e së martës. I njëjti ishte rrahur nga disa persona të panjohur.

I dyshuari është dërguar në Qendrën Klinike Universitare, ndërkaq me urdhër të prokurorit, ndaj tij është iniciuar lënda.

Sipas raportit të policisë, rasti ka ndodhur të martën rreth orës 15:30 në Prishtinë.

I dyshuari nuk iu është përmbajtur rregullave dhe vendimeve të Qeverisë për vet-izolim, dhe ka dalë në rrugë.

Rasti është cilësuar si mosveprim sipas dispozitave shëndetësisë gjatë pandemisë.

“Raportohet se i dyshuari mashkull kosovar i cili ishte pozitiv me virusin Covid -19 nuk i është përmbajtur rregullave dhe vendimeve të Qeverisë  për vetë izolim, është hasur në rrugë ku ishte sulmuar fizikisht nga persona të panjohur”, bëhet e ditur në raportin e policisë./arbresh.info/